انشرها فى كل مكان
فايرفوكس>tools>options>advanced
Manual proxy settings confiiguration
use proxy 88.191.116.113 port: 3128

الدويقة vs فلسطين

كنت جالسا مع احد الاصدقاء ممن يتميز برجاحة العقل والتدين العميق وهو يدعونى انا واحد الاصدقاء الى المساعدة فى مأساة الدويقة
فنظرت الى صديقى وقلت ماشاء الله
اهو ده بقة الثواب اللى من الاخر
pure thawab:)
فرد الصديق العاقل الذى يدعونا الى المساعدة فى الدويقة
هو ثواب كبير وربنا يتقبل ان شا ء الله
انما مش من الاخر ولا حاجة
لان اللى حصل فى الدويقة ميجيش واحد على عشرات من اللى بيحصل فى فلسطين كل يوم
وسهل جدا انك تجمع تبرعات للدويقة
انما محدش بيفكر فى فلسطين
وكان كوب ماء بارد قد صب فوق راسى حين قال تلك الكلمة
ليس للاحراج
وليس للصدمة
انما لشعور غريب
فلسطين...ياااه...من زمان والواحد مبيعملش حاجة لمساعدة اخواننا هناك
ولما حصلت كارثة الدويقة رحت افكر
لماذا هرعنا الى الدويقة ولا نهرع الى فلسطين كل يوم
وكانت الاجابة فى منتهى القسوة
هذا لاننا اعتدنا على ماساه فلسطين
فكل يوم يموت العشرات ويعذب المئات
ويعيش الالاف بلا ماوى ونقص من الاموال والانفس والثمرات
والانسان للاسف حين يعتاد على شىء لا يشعر بمدى اهميته الا بعد تفكر عميق
احنا الحمد لله من علينا المولى عز وجل بامان فى بلدنا
فصارت كارثة الدويقة مفاجئة هزت القلوب
وبرغم انها لا تسوى شيئى بجانب ما يحدث فى فلسطين
الا اننا هرعنا اليها
ولم نهرع لما يحدث يوميا فى فلسطين
لنذكر انفسنا ونحيى القضية فينا وفى غيرنا

ثواب انقاذ الدويقة عظيم
وكل شارك فيه
ولكن

من لك يا فلسطين؟

مصر والتخلف

لا ينكر احد حينما يتجول فى شوارع القاهرة ان مصر تتمتع بما لا يتمتع به الاخرون
فلا يحدث فى اى بلد ان تجد حصانا واقعا فوق سيارة مثلا
او اربع صفوف من السيارات فى شارع من حارتين وفى كلا الاتجاهات
او شارع بالكامل متوقف عشان فى سواق اوتوبيس بيشرب سيجارة وسايب الاوتوبيس فى وسط الشارع
وعادى جدا ان لو حد اعترض ان السواق المتخلف ده يزعق ويزمجر ويعترض على اعتراض الناس
"ايه ..مشربش السيجارة يعنى؟!"
وعادى جدا جدا ان الناس اصلا متعترضش..وتفضل واقفة متنحة
عادى جدا انك تمشى فى الشارع تلاقى امين شرطة بيوقفك بكل جدية وانت سايق عربيتك ومعاه دفتر المخالفات ويقولك وصلنى اخر الشارع
وعادى برضه انك تركبه ومتعترضش
عادى انك تلاقى يافطتين عكس بعض فى الشارع والاتنين بجانب بعض تماما ولو خالفت واحده منهم هتاخد مخالفة
عادى جدا انك تلاقى واحد فى شارع عمومى حاطت براميل على مساحه تكفى لانتظار 6 عربيات عشان لو جالو ضيوف يلاقو مكان يركنو
وعادى ان يقولك ممنوع الركنه هنا يا باشا
وعادى برضو انك تقوله انا اسف
يا ترى احنا ليه كده؟!
حاجة فى الجينات مثلا؟!!
المصريين كده اصلا؟
لا مبالاه وغباء وسلبية وعنطظة؟!!
طبعا لا
امال ايه الموضوع؟
الموضوع وما فيه ان الشعوب فى الاخر بتكسب ثقافتها من فئة هى اقل من 10 فى المئة من مجمل الشعب
والفئة دى هى الفئة المسيطرة اللى بتفرض على الشعب ثقافته
وده طبيعى لان قلي جدا من الناس من لديهم مهارات القياده
والاخرون تابعون
فاذا نظرنا لمن قام بقيادة مصر فى القرن الماضى

فسنعلم من ورثهم التخلف والغباء واللامبالاه وعقدة النقص
وليس معنى هذا ان من قام بقياده مصر هو متخلف وغبى غير مبالى
انما هو لم يكون حريص على بناء شخصية المواطن المصرى مثل حرصه على الحفاظ على استقرار نظام الحكم
فنظرا للديموقراطية السائدة فى مصر منذ عشرات السنين!!
بات الحكام يرقدون على اعناق شعوب لم ولن تختارهم
وباتوا ينامون على كابوس ان يفيق هذا الشعب وينزع منهم مكانتهم العالية
وشعب مثقف متعلم ايجابى يعلم حقوقه وواجباته هو اخر شىء يحتاجه هذا النموذج من السيطرة
لذا كان الشعب ضحية انظمة علمته كيف يكون سلبيا
كيف يفقد الامل
كيف يسعى للقمة العيش
فقط لاغير

مصر يا ناس